He kaihara whakatuki, he waranga tīota whakaihi tōna, ā, he pū whai kariri hoki tāna, Kirikiriroa, te 25 o Ākuhata 2014
Te Whakarākai Tohu Māia o Aotearoa
BSh288 Pirihimana Matua Blair Spalding
Te Whakarākai Tohu Māia o Aotearoa
BTY046 Pirihimana Benjamin Turner
I Kirikiriroa i te 25 o Ākuhata 2014, i whānakohia tētahi wēne e tētahi kaihara, e hau nei te rongo mō tōna rārangi hara o mua hei kaihara whakatuki me te kai tīota whakaihi. Ka uruparetia te karanga e Pirihimana Blair Spalding nō roto mai o tōna wēne Pirihimana kuri, ā, ka arumia te wēne ki tētahi huarahi mātotoru ana i te mahi a te waka. Ka ngana ia ki te tōhipa atu me te whakatūpato i ngā tairaiwa waka kei mua me te hanga tauārai i waenga i ngā waka kirirarau nei me te wēne. Ka perori haere te wēne ki ngā waka e haere mai ana hei aukati i tana tōhipa atu. Nā runga i tōna mōhio ki te āhua o te kaihara ki te maupū, ka tau te whakaaro o Pirihimana Spalding kia kaua rawa ia e whakaae kia uru atu te wēne ki te pūmanawa o te tāone. Nā, ka taraiwa atu ki te taha tonu, ehara, ka perori haere, ā, ka pā ki tō Spalding waka. Ka āia atu te wēne e Spalding ki waho o te rori, ki tua o te takahanga waewae kātahi ka pūrere atu me te haere tonu i te tiriti. Meāke ka tomo ki te tūranga waka o tētahi toa hokomaha mā te ara putanga, ka tuki atu ki tētahi waka. Ka wehe te kaihara i te wēne me te kawe i tana pū whai kariri.
Ka taraiwa atu a Pirihimana Spalding ki roto i te tūranga waka ka hurihia e ia tōna waka hei aukati i te kaihara. I tēnei wā e haere ana mā raro te kaihara, ka oma tika atu ki te taha o te wēne kurī ka haere anō. Kātahi ia ka ngana ki te hari i tētahi atu waka o tētahi kuia ki tana pū i te tūranga kura peneheni o te toa hokomaha. Ka tae a Pirihimana Turner ki taua wāhi me te kite i te kaihara e kakari ana kia puritia e ia te waka o te kuia me ia hoki. Ka māharahara ki tōna pēheatanga ka kotahi atu ki te pupuri i te kaihara me te tō i a ia ki kō atu o tōna waka. He mōhio anō ia he pū ki te ringa matau o te kaihara, nā ka porowhiua te kaihara ki tōna ringa maui kia neke tonu, kia tapepa tonu ai ia. I taua wā ka tae a Pirihimana Spalding ki te āwhina i a Turner mā te pupuri i te ringa matau o te kaihara. Ehara, ka pakū ngā tūpara o te pū ka whara a Pirihimana Spalding, he maha nō ngā pokanga ki tōna waewae me tōna rekereke maui. Waihoki ka ripia te waewae me te tarauma o te kaihara ki te hōta. I te taenga o Pirihimana Whakahau Kurī Scott Robinson, ka tukua e ia tana kurī a Uzi ki runga i te kaihara ka hoatu ai i ētahi here ringa hei pupuri i a ia e kino nei tōna kakari.
Left to right:
Pirihimana Matua Blair Spalding rāua ko Pirihimana Benjamin Turner