Ko te oranga o te pēpi te mea nui, Whangārei, te 11 o Hūrae 1969
Pouwhirinaki Pouaromātai
E Graham Perry
Te Mētara o Hōri
2368 Pouwhirinaki Pouaromātai E Graham Perry
I te 11 o Hūrae 1969 i karangatia ko Pouwhirinaki Pouaromātai Perry – te āpiha hautū i te Tira Ātete Kaihara Maurākau o Tāmaki – ki Whangārei ki te whakahaere i tētahi tūkinga mōrearea. I roto i tētahi whare he tangata maupū he pēpi tana mauhere. Whakahē ana kia puta ia inā kāore ngā Pirihimana e whakaae ki ōna hiahia. He nui ngā wā ka hoatu e ia te pēpi ki waho o te matapihi tāwēwē ai me te whakatuma ki te pupuhi i te pēpi me ia hoki. He rārangi hara ō mua tāna mō te maupū, i mōhiotia hoki he tangata whakamōrearea.
I whakapau kaha kia tautuku te tangata, tē taea. Kāore ia i aro ki ngā whakawhere, ā, he nui te māharahara mō te ora o te tamaiti. Ahakoa te mōrearea mōna, ka urutomokia te whare e Perry, ā, i muri mai o te kakari ka maunu te pū i te tangata ka mauheretia ia.
Kāore hoki e kore ka whakamahia e te kaihara te pū i a ia engari i āraingia e te Pouwhirinaki Pouaromātai. He waiwaipū te puhanga a te kaihara i te whare ki ngā Pirihimana i te roanga o te riri.
I te mutunga iho, nā te māia me te wehikore o Pouwhirinaki Pouaromātai Perry ki te mauhere i te kaihara mōrearea maupū i ora ai te tamaiti pakupaku. Ka mutu, e hāngai ana ki ngā whakapono me ngā whanonga taioreore tuku iho o ngā Pirihimana o Aotearoa.
Te Mētara o Hōri