2019 - Operation Deans Targeted Terrorist Attacks

Translate into English

Operation Deans Targeted Terrorist Attacks, Otautahi, 15 Māehe 2019

The New Zealand Cross
Civilian Dr Naeem Rashid, posthumous

The New Zealand Cross
Civilian Abdul Aziz Wahabzadah

The New Zealand Bravery Decoration
Senior Constable Scott Carmody

The New Zealand Bravery Decoration
Senior Constable James Manning

The New Zealand Bravery Decoration
Civilian Liam Beale

The New Zealand Bravery Decoration
Civilian Ziyaad Shah

The New Zealand Bravery Medal
Civilian Lance Bradford

The New Zealand Bravery Medal
Civilian Wayne Maley

The New Zealand Bravery Medal
Civilian Mark Miller

The New Zealand Bravery Medal
Civilian Michael Robinson

I mua tata iho i te 1.40pm i te Paraire 15 Māehe 2019, i whakatorotoro tëtahi kaimaupū, kāore anō i kitea i Aotearoa, e aro atu ana ki ngā whare karakia e rua ki Ōtautahi: Te Whare Karakia o Al Noor i te huarahi o Deans, me Te Whare Karakia o Linwood i te huarahi o Linwood.

Nō te kaimaupū e wehe atu ana mā runga waka i Ōtepoti ki Ōtautahi i te ata o te 15 o Māehe, e ono āna pū i tōna waka (e rua ngā momo pū hōia, e rua ngā pū hoata, tētahi pū whakatiriwhana, me tētahi raiwhara) me te hia nei matā i te hia nei kopa. E rua ōna kahupapa takirua hoki (tētahi kahupapa ārai matā me tētahi momo kahupapa hōia) me ngā pohū e whā.

E mau ana i ngā pū hoata me ngā raiwhara, I tīmata te kaimaupū ki te puhi i ngā pononga ki roto I ia whare karakia. I puhi hoki ia i ngā tāngata e pūrere atu ana i ngā whare karakia, ā, i whāia ngā tāngata me ngā waka i ngā tiriti i a ia e taraiwa whanokē ana i waenga i ngā whare karakiae rua. I te 1.50pm i taua ahiahi tonu, i hopukina ia e ngā Pirihimana e rua, i te tiriti o Brougham, i Ōtautahi.

Nōna e hopukina ana, i te mau käkahu kirihuna, tētahi pōtae, me tētahi kāmera I runga e whakaahua ana i āna mahi mai i te tīmatanga ki tana hopukanga. I roto i tana waka i kite ngā Pirihimana i ētahi pū me ērā atu pū (kāore i whakarērea e te kaimaupū I ngā wāhi hara matua e rua) he mom naihi raiwhara i tana kahupapa, me ngā rawa pohü i whakaarohia ka whakamahia hei pohū. Kei roto i ngā rawa pohū, e whā ngā ipu penehïni 10 rita te nui, me tētahi pohū i whakarapangia ki te tēpa ki ōna taha. I ngā miniti e 10 i te 1.40pm ki 1.50pm, i kīia, he aneatanga, e 51 ngā tāngata i kōhurutia, e 89 ngā taotū, ētahi i whara rawatia. I aua taotū, e 40 i pūhia, e 49 i whara nā ētahi atu take.

He nui ngā tāngata i tū māia, i tū kaha i taua rā. I Masjid Alnoor a Tākuta Naeem Rashid I te wā i tae atu te kaimaupū, ka tīmata ai tana puhi i ngā tāngata e 113 i reira mō ngā karakia o te Paraire. I oma tōtika a Tākuta Rashid ki te kaimaupū, me te mau i a ia, ka tuki ai ia ki te papa. I pūhia a Tākuta Rashid kia mate. Nā āna mahi, i taea ai e ngā tāngata e whitu te pūrere atu.

He tohu toa te mahi ngākau oha, hakune hoki tā Ziyaad Shah ārai i tētahi ‘parata’ a Shah Jahan ki tōna anō tinana, me te kore ōna e whakaaro ki tōna anō oranga i te wā i te puhi haere te kaimaupū i ngā tāngata, he wā mōrearea mō ēnā tāne e rua. I whara a Mr Shah i a ia e ārai ana i a Mr Jahan kia kore ai ia e whara, e kōhurutia rānei e te kaimaupū.

I wero a Abdul Aziz Wahabzadah i te kaimaupū, ā, i pūhia ia i mua tata tonu i tōna aroaro. I whiu ia i ētahi rawa pēnei i te pū, ki te waka o te kaimaupū i mua i tana whaiwhai i te waka e wehe atu ana i te huarahi o Linwood.

I te haere a Carl Pomare rāua ko Mark Miller I te huarahi o Deans, ā, i kite i ngā tāngata i te pūhia haerehia i waho atu i te whare karakia, kātahi ka tū ki te āwhina. I tomo atu ngā täne e rua ki te mura o te ahi ki te tiki i ngā pārurenga ngō ngā matā e kaha rere ana. I te haere whakateraki a Liam Beale i te huarahi o Deans, i kite ia i tētahi tāne i tūtuki, i rongo hoki i te rere o te pū e pohū ana, ka takoto a Liam ki te papa ki te āwhina i ngā pārurenga.

I te haere a Wayne Maley rāua ko Michael Robinson i te huarahi o Deans, tata ana ki te whare karakia, ā, ka rangona ngā pakō. I kite rāua i te kaimaupū e puhi haere ana i waho o te whare karakia. I whakatūngia tō rätou waka i te rori hei ārai atu i ngā waka kia kore ai rātou e uru atu ki te mura o te ahi, kätahi ka haere ki te āwhina i ngā pārurenga.

I te taraiwa a Lance Bradford, tata atu ki te whare karakia, i kitea tētahi kuia e takoto āwangawanga ana. Kātahi ia ka kite i tōna waru ki te 10 ngā tangata e takoto marara ana. I tōna kitenga i tētahi mahi pōrearea, I whakatūngia e ia tōna waka, ka haere ai ki te whare karakia ki te āwhina. Nōna e pērā ana, i rongo ia i te tangi o te pū me te tīwē o ngā tāngata. I whakakati ia i te hunga kāore I mōhio ki ngā āhuatanga o te wā, kei kuhu ai rātou ki te mura o te ahi. Kātahi ka āwhina ia me ētahi tāngata o te marea ki te tiaki i ngā pārurenga.

I whakamahia e Zulfirman Syah tōna anō tinana ki te ārai i tāna tama a Averroes Omar Syah, me te korenga ōna e whai whakaaro ki tōna anō oranga, e whakaatu ana i te māia I te wā o te mōreareatanga. I whara rāua tahi.

I aukati ngā Kātipa Matua a Scott Carmody rāua ko Jim Manning i te waka o te kaimaupū, me te aha, i whakaraua. I taua wā, tae noa ki te wā i hopukina e rāua te Kaimaupū, i pënei ngā kātipa e rua, he tokomaha kē ngā kaimaupū. I kite rātou i te waka ki waenganui i te mātotorutanga o ngā waka ki te tiriti o Brougham. Ka hūnuku a Carmody rāua ko Manning i tō rāua waka pirihimana, kia tū ai te waka, me kore noa hoki e hopukina ai te kaitaraiwa, I hūnuku i te waka ki te taha o te rori kia kore ai e pängia te waka pirihimana, e huraina rānei ngā pēkehau, ko ēnā mea e rua ka ārai i a ia kia kore ai e tere tōna puta atu i te waka. I muri tata iho, i hopukina te kaimaupū i tōna waka. I titiro a Manning i roto i te waka mo ētahi atu tāngata hara, heoi, i kitea he pohū nui ki muri, ā, i te hāngai tonu te aro o te pū a Carmody i runga i te kaimaupū. I te toro atu te tangata hara i roto i tōna kahupapa, ā, i te matakū a Carmody, ka whakapakūtia te pohū, i warea ia i a Carmody ki te karera o tāna pū, ā, ka ringamautia ia. I whakawhara rāua ki te tomo atu ki te mura o te ahi, he pērā rawa te mōrearea, me tētahi kaimaupū hoki i roto. I hopukina te kaimaupū, kia kore ai e whara tangata kē atu.

Ngā pārurenga

• Khaled Mwafak Alhaj Mustafa (44)
• Hamza Khaled Alhaj Mustafa (16)
• Gulam Hussain(66)
• Karam Bibi (63)
• Muhammad Zeshan Raza (38)
• Naeem Rashid (51)
• Talha Naeem (son of Rashid) (21)
• Arif Mohamedali Vohra (58)
• Ramiz Arifbhai Vora (28)
• Ahmed Gamal Eldin Abdel Ghany (68)
• Osama Adnan Yousef Abukuwaik (37)
• Husna Ahmed (45)
• Syed Areeb Ahmed (26)
• Farhaj Ahsan (30)
• Mohsen Mohammed Al Harbi (63)
• Syed Jahandad Ali (34)
• Ashraf Ali (61)
• Ashraf Ali (Razak) (58)
• Hussein Al-Umari (35)
• Linda Susan Armstrong (64)
• Muse Nur Awale (77)
• Zakaria Bhuiya (34)
• Kamel (Moh'd Kamal) Kamel Darwish (38)
• Ata Mohammad Ata Elayyan (33)
• Ali Mah'd Abdullah Elmadani (65)
• Abdukadir Elmi (65)
• Mohammed Omar Faruk (36)
• Amjad Kasem Hamid (57)
• Lilik Abdul Hamid (57)
• Md Mojammel Hoq (30)
• Mucaad Aden Ibrahim (3)
• Junaid Ismail (36)
• Ozair Kadir (24)
• Ansi Karippakulam Alibava (25)
• Mohammed Imran Khan (46)
• Maheboob Allarakha Khokhar (64)
• Haroon Mahmood (40)
• Sayyad Ahmad Milne (14)
• Mohamad Moosid Mohamedhosen (54)
• Muhammad Haziq Bin Mohd Tarmizi (17)
• Hussein Mohammed Khalil Moustafa (70)
• Haji Mohemmed Daoud Nabi (71)
• Tariq Rashid Omar (24)
• Musa Vali Suleman Patel (59)
• Abdelfattah Qasem (60)
• Ashraf El-Moursy Ragheb (54)
• Matiullah Safi (55)
• Muhammad Abdus Samad (66)
• Muhammad Suhail Shahid (36)
• Mounir Guirgis Soliman (68)
• Zekeriya Tuyan (46)

Title: 51
By: Artists Muhammad Waqas and Sameera Waqas https://mwcalligraphyart.com/